Кон: Шести тидзень найважнєйши, нє шме буц гришки

После пейцох тижньох борби зоз коронавирусом, шицко указує же Ковид 19 траци моц и можлївосц преношеня, алє и можлївосц же би виволал чежке охоренє, виявел нєшка епидемиолоґ Предраґ Кон и визначел же пред нами шести тидзень, у котрим ше нє шмеме опущиц и направиц гришки.

Пред нами ище пейц тижнї, алє лєм єден з нїх чежки. Шести тидзень барз важни же би ше нє случела гришка и же би вирус нє вошол медзи найчувствительнєйших, гварел Кон за ТВ Прва.

Вон наглашел же тераз барз важне же би ше гражданє притримовали мирох социялного дистанцованя и же би керовали контакти.

Як гварел, кед ше епидемия сцихша, найважнєйше питанє будзе стан имунитету популациї, прето же, як гварел, з мирами обезпечене же би найстарши нє були заражени, анї дзеци, прето же школи позаверани, алє тоти часци популациї оставаю без специфичного имунитету на коронавирус.

Кон гварел же ше наздава же ше вирус поцагнє през лєто кеди би требало поробиц озбильне виглєдованє у репрезентативним прикладнїку популациї же би ше могло предвидзиц цо далєй мож обчековац.

Жридло: Танюґ, РТВ