Жаданя за упис до основних школох и на меншинских язикох

Министерство просвити обвисцело родичох дзецох котри ше уписую до першей класи основней школи же услуга “Интересованє за упис до основней школи” окрем по сербски, од нєшка доступна и на язикох националних меншинох.

У тей хвильки за упис дзецка до першей класи основней школи нє важне вибрац язик на котрим будзе настава, алє ше родичи вшелїяк муша приявиц вибраней школи прейґ порталу Е Управа.

На тото способ школи годни евидентовац заинтересованосц родичох же би дзецко уписали до одредзеней школи и буду мац податки яке число школярох можу обчековац. Шицки родичи котри буду хасновац тоту услугу буду обвисцени о датуму упису до основней школи док тот датум будзе дефиновани.

Преклад на язики националних меншинох обезпечели Покраїнски секретарият за образованє и национални совити националних меншинох.

ТАНЈУГ, РТВ

Залишити відповідь

Ваша e-mail адреса не оприлюднюватиметься. Обов’язкові поля позначені *